Terma jamoalar safida bo‘lib turgan "Barselona"ning ikki futbolchisi jarohat oldi. Bu haqda El Mundo Deportivo xabar tarqatdi.
Manbaga ko‘ra, o‘ng qanot himoyachisi Nelson Semedu Yevro-2020 saralash bosqichi doirasida bo‘lib o‘tgan Serbiya-Portugaliya o‘yinida to‘pig‘idan jarohat oldi. Portugaliyalik futbolchi o‘yindan keyin tibbiy ko‘rikdan o‘tdi. Uning jarohati jiddiy bo‘lib chiqmadi.
Shuningdek, "ko‘k-anorranglilar" fransiyalik himoyachisi Samuel Umtiti jarohat oldi. Uning oyog‘i lat yegani ma’lum bo‘ldi.
Har ikkala futbolchi terma jamoaning navbatdagi turiga qolmasdan, "Barselona" safiga qaytishdi.