"Barselona" rahbariyati jamoa yetakchisi Lionel Messini hali uzoq klubda olib qolmoqchi. Mundo Deportivo tarqatgan xabarga ko‘ra, kataloniyaliklar 32 yoshli futbolchiga umrbod shartnoma taklif qilishga tayyor.
Eslatib o‘tamiz, argentinalik futbolchi bilan amaldagi shartnomaga ko‘ra, Messi kelasi yilning yozida jamoani erkin agent sifatida tark etish huquqiga ega.
Tomonlar yangi shartnoma borasida hali muzokaralarni boshlashmadi. Ammo Messining otasi va "Barsa" prezidenti Xosep Mariya Bartomeu doimiy ravishda aloqada bo‘lib turishibdi.
Futbolchining hozirgi shartnomasi 2021 yilga qadar tuzilgan. U jarohat tufayli ushbu mavsumda hali maydonga tushmadi.
Messi - "Barselona" tarbiyalanuvchisi hisoblanadi. U asosiy jamoa safida 17 yoshidan beri o‘ynab keladi.