Coca Cola Superligasi 20-tur doirasidan o‘rin olgan “Qo‘qon-1912” – “Lokomtiv” uchrashuvi 20 sentyabr kuni Qo‘qon shahrida bo‘lib o‘tadi. Mazkur bahs oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
Ushbu jamoalar shu paytga qadar chempionat doirasida 9 marta to‘qnash kelishgan.
“Lokomotiv” o‘yinlarning 5 tasida zafar quchgan, 4 ta bahsda durang qayd etilgan.
To‘plar nisbati – 19-8, “Loko” foydasiga. O‘zaro o‘yinlarda “Temiryo‘lchilar” 19 ochkoni qo‘lga kiritishgan. “Qo‘qon-1912” ochkosi 4 tani tashkil etadi.
Qo‘qonda o‘tkazilgan barcha uchrashuvlar:
09.07.2018 “Qo‘qon-1912” – “Lokomotiv” 1:2
17.05.2017 “Qo‘qon-1912” – “Lokomotiv” 1:1
30.05.2016 “Qo‘qon-1912” – “Lokomotiv” 1:3
16.10.2015 “Qo‘qon -1912” – “Lokomotiv” 2:2
Mezbonlar ko‘k rangli liboslarda maydonga tushishadi
Mazkur o‘yinda kim qanday rangli liboslarda maydonga tushishi ma’lum bo‘ldi. Uchrashuvda "Shunqorlar"ko‘k rangli sport formalarida maydonga chiqishadi. “Temiryo‘lchilar” esa oq rangdagi formada harakat qilishadi.
Boshlanish vaqtlari
"Qo‘qon-1912" – “Lokomotiv” uchrashuvi, 20 sentyabr kuni Qo‘qon shahridagi “Markaziy” stadionida soat 16:15 da start oladi. Ertaga esa ushbu jamoalarning o‘rinbosarlari U-21 birinchiligi 20-turida maydonga tushishadi. Mazkur o‘yin Yaypan shahridagi "O‘zbekiston" stadionida soat 15:30 da boshlanadi.
