"Yuventus" hujumchisi Mario Manjukich Qatarning "Al-Rayan" klubiga o‘tishi mumkin.
La Gazzetta dello Sport xabariga ko‘ra, 33 yoshli xorvatiyalik futbolchining agenti muzokara o‘tkazish uchun Qatarga yo‘l olgan.
Tomonlar ikki yilga mo‘ljallangan shartnoma imzolash to‘g‘risida dastlabki kelishuvga erishdilar.
Manjukichning maoshi bir mavsumga 7,5 million yevroni tashkil qiladi.
O‘tgan mavsumda Manjukich «Yuventus» tarkibida 33 ta o‘yinda maydonga tushib, 10 ta gol va 7 ta gollik uzatma amalga oshirdi.
