Coca Cola superliga 21-tur doirasidagi “Qo‘qon-1912” – “Metallurg” uchrashuvidan keyingi matbuot anjumanining ikkinchi qismida “Qo‘qon-1912” jamoasi bosh murabbiy vazifasini bajaruvchi Aziz To‘xtaboyev qatnashdi.
- Gapimni boshida shuni alohida ta’kidlamoqchimanki, bugun futbolchilarimiz mag‘lubiyatga loyiq emasdilar. Uchrashuvni yaxshi boshlagan edik. Tezkor gol kiritishga muvaffaq bo‘ldik. O‘yinning 23 daqiqasigacha to‘liq ustunlik biz tomonda bo‘ldi. Shu vaqt mobaynida ko‘plab golli vaziyatlar yaratdik. 23-daqiqada kutilmaganda Murod Xolmuhammedovning qizil kartochka olib maydonni tark etgani o‘yinimizga salbiy ta’sirini o‘tkazdi. Shogirdlarimning bugungi harkatlari muxlislarga manzur bo‘ldi deb o‘ylayman.
Shu o‘rinda bizni stadionda qo‘llab turgan ishqibozlarimizga katta rahmat aytaman. Ular hisob 1-3 bo‘lib turganda ham jamoamizni ajoyib tarzda qo‘llab turishdi. O‘yin so‘nggida esa futbolchilarni qarsaklar bilan kuzatib qo‘yishdi. Keyingi bahslarda biz albatta muxlislarni xursand qilamiz.
Yosh futbolchimiz Xojimat Erkinov bugun ajoyib o‘yin ko‘rsatdi. Xojimat yuqori texnikaga ega . O‘ylamanki kelajakda uning jamoamizga hamda terma jamoalarimizga katta foydasi tegadi.
