Rossiyaning Ulan-Ude shahrida boks bo‘yicha ayollar o‘rtasida ham jahon chempioni start oldi. O‘tkazilgan birinchi kun janglarida ikki nafar hamyurtimiz ringga ko‘tarilib, musobaqani g‘alaba bilan boshlashdi.
Dastlab -48 kilogramm vazn toifasida Gulasal Sultonaliyeva qozog‘istonlik Alua Balkibekovani 3:2 hisobida dog‘da qoldirgan bo‘lsa, -51 kilogramm vazn toifasida Tursunoy Rahimova ham marokashlik Yasmine Muttaki ustidan zafar quchdi. Bugun yana ikki nafar vakilamiz saralash bosqichi doirasida ringga ko‘tariladi.