Og‘ir atletika bo‘yicha O‘zbekiston milliy terma jamoasi 2020 yil Tokio yozgi Olimpiya o‘yinlariga yo‘llanma beruvchi musobaqalarda ishtirok etib kelmoqda. Jumladan, og‘ir atletika bo‘yicha O‘zbekiston o‘smirlar va yoshlar terma jamoalari shu yilning 18-28 oktyabr kunlari Koreya Xalq Demokratik Respublikasi (Shimoliy Koreya)ning poytaxti Pxenyan shahrida bo‘lib o‘tadigan og‘ir atletika bo‘yicha o‘smirlar va yoshlar o‘rtasida Osiyo chempionatida ishtirok etishadi.
Ta’kidlash joiz, KXDR og‘ir atletika bo‘yicha Osiyo chempionatini birinchi marotaba o‘tkazmoqda. Bungacha, ushbu davlat 2014 yili yoshlar o‘rtasida Osiyo Kubogi musobaqasiga mezbonlik qilgan. KXDRda bo‘lib o‘tadigan Osiyo chempionatida 17 nafar sportchimiz ishtirok etadi.
