Londonning «Arsenal»  klubi yarim himoyachisi Mesut O‘zil o‘ziga bildirilayotgan tanqidlarga javob berdi.

«Agar jamoamiz yaxshi o‘yin namoyish etmasa, men aybdor bo‘laman. Haqiqatdan ham shunday. Jamoa mag‘lubiyatga uchragan uchrashuvda maydonga tushmasam ham aybdor qilaverishlarini qanday tushunish mumkin? Tushunaman, muxlislar mendan ko‘proq narsani talab qilyapti, o‘yinim chiqsa natijaga ta’sir ko‘rsatishim mumkin. Men ham shunday bo‘lishini xohlayman, lekin bu o‘z o‘zidan bo‘lib qolmadi. Men jamoadagi yagona futbolchi emasman, gohida raqiblar bizdan kuchli bo‘ladi», — O‘zilning so‘zlaridan iqtibos keltirmoqda The Athletic.

Mesut O‘zil joriy mavsumda “Arsenal” tarkibida ikkita uchrashuvda maydonga tushdi. O‘zil maydonga tushmagan uchrashuvlarda “Arsenal” ketma-ket uch marotaba mag‘lubiyatga uchradi.