Professional boksning yarim o‘rta (-66,68 kg) vazn toifasida ringga chiqayotgan Qudratillo Abduqahhorov (17-0, 9 KO) o‘zining navbatdagi jangini o‘tkazadi. Bu haqda GoSport.uz internet-nashri muxbiri xabar bermoqda.

18 oktyabr kuni AQSHning Filadelfiya shahida joylashgan «Liacouras Center» arenasida tashkil etilgan jangda o‘zbekistonlik bokschi Qudratillo Abduqahhorov ham ringga ko‘tarildi.

Shu kuni Abduqahhorovga sobiq jahon chempioni amerikalik Luis Kollazo (39-8, 20 KO) raqibliq qildi. Jang 10 raunddan iborat bo‘lishi ko‘zda tutilgandi. 10 raundda raqibning qoshi yorildi va jang tugashiga 38 soniya qolganida shifokorlar jangni to‘xtatdi. Natijada hakamlar muddatidan oldin texnik ochkolar hisob kitobini taqdim etishdi. 99-91, 98-92, 97-93 hisoblari bilan Abduqahhorovning bir ovozdan g‘alabasi e’lon qilindi va Abduqahhorov o‘zining 17-g‘alabasini qo‘lga kiritdi.

Eslatib o‘tamiz, Qudratillo Abduqahhorov IBF chempionlik kamari uchun majburiy da’vogar sanaladi. U 2019 yilning 30 mart kuni Filadelfiyada o‘tkazilgan boks oqshomida yaponiyalik Keita Obarani (21-4-1, 19 KO) mag‘lub etib da’vogarlik maqomini qo‘lga kiritgandi.