Fransiyasining «PSJ» klubi hujumchisi Neymar klub muxlislari bilan iliq munosabatni tiklamoqchi. Braziliyalik hujumchi “Barselona”ga o‘tib ketishni mo‘ljallagandan beri, parijlik muxlislarning unga bo‘lgan munosabati salbiy bo‘lib qolgan.
— Umid qilamanki, muxlislarning muhabbatini qozonaman. Bu normal holat. Men ularni tushunaman. Ularning xayollarida nimalar kechayotganini tushunishga harakat qilaman, biroq, ular ham meni to‘g‘ri tushunishlari kerak. O‘zingiz qilayotgan ishdan rohat olmasangiz ish joyingizni, ishingizni o‘zgartirishga harakat qilasiz, yangi joy topishga harakat qilasiz. Men ham shunday qilishni xohlagandim. Biroq, men klubda qoldim. Jamoa uchun borimni berishga harakat qilishim kerakligini qayta—qayta takrorladim, — dedi Neymar Otro bilan bo‘lgan intervyuda.
Joriy mavsumda 27 yoshli Neymar PSJ tarkibida 5 ta uchrashuvda maydonga tushib, 4 ta gol kiritishga muvaffaq bo‘ldi.
