Франциясининг «ПСЖ» клуби ҳужумчиси Неймар клуб мухлислари билан илиқ муносабатни тикламоқчи. Бразилиялик ҳужумчи “Барселона”га ўтиб кетишни мўлжаллагандан бери, парижлик мухлисларнинг унга бўлган муносабати салбий бўлиб қолган.

— Умид қиламанки, мухлисларнинг муҳаббатини қозонаман. Бу нормал ҳолат. Мен уларни тушунаман. Уларнинг хаёлларида нималар кечаётганини тушунишга ҳаракат қиламан, бироқ, улар ҳам мени тўғри тушунишлари керак. Ўзингиз қилаётган ишдан роҳат олмасангиз иш жойингизни, ишингизни ўзгартиришга ҳаракат қиласиз, янги жой топишга ҳаракат қиласиз. Мен ҳам шундай қилишни хоҳлагандим. Бироқ, мен клубда қолдим. Жамоа учун боримни беришга ҳаракат қилишим кераклигини қайта—қайта такрорладим, — деди Неймар Otro билан бўлган интервьюда.

Жорий мавсумда 27 ёшли Неймар ПСЖ таркибида 5 та учрашувда майдонга тушиб, 4 та гол киритишга муваффақ бўлди.