«Барселона» ҳужумчиси Роберт Левандовски фаолиятини қаерда давом эттириши борасида бир қарорга келди. У Туриннинг «Ювентус» клубига ўтиш ниятида ва «кекса синьора» сафига қўшилишга принципиал розилигини берди.
37 ёшли форвард Италияда анчагина салмоқли маош борасида келишувга эришди. «Ювентус»да у йилига 6 миллион евро маош олади. Шунингдек, клуб Робертга турли бонуслар ҳам тўлаб боради.
Аввалроқ ОАВ Левандовски номини «Милан» билан ҳам боғлаган эди. Бироқ футболчининг ўзи айнан «Ювентус» вариантини танлади.
