Italiyaning «Napoli»klubi bosh murabbiyi Karlo Anchelotti YECHL doirasida «Red Bull Zalsburg» klubi ustidan qozonilgan g‘alaba haqida fikr bildirdi. Avstriyada bo‘lib o‘tgan uchrashuvda 3:2 hisobi qayd etildi va g‘alaba to‘pini Lorenso Insinye kiritdi.
«Bu yerda o‘yin qiyin o‘yin bo‘lishini, g‘alaba qozonishimiz murakkab bo‘lishini hisobga olgandim. Aql bilan o‘ynashimiz kerak edi. Uchrashuv qiziq bo‘ldi, kurash so‘nggi daqiqagacha davom etdi. O‘zimiz uchun kerakli bo‘lgan natijani qo‘lga kiritdik.
O‘yinni yaxshi boshladik, oldinga o‘tdik, biroq biroz muammolarga duch keldik. Zahiradan maydonga chiqqan yigitlar biz uchun kerak bo‘lgan quvvatni bera olishdi.
O‘yindan oldin Insinyega o‘yin taqdirini hal qilishini aytgandim. Uning gol urish uchun qancha vaqt ketishini bilmagandim. Lekin unga rostdan ham shunaka degandim», —Anchelottining so‘zlaridan iqtibos keltirmoqda Sky Sport Italia.
