Италиянинг «Наполи»клуби бош мураббийи Карло Анчелотти ЕЧЛ доирасида «Ред Булл Зальцбург» клуби устидан қозонилган ғалаба ҳақида фикр билдирди. Австрияда бўлиб ўтган учрашувда 3:2 ҳисоби қайд этилди ва ғалаба тўпини Лоренцо Инсинье киритди.
«Бу ерда ўйин қийин ўйин бўлишини, ғалаба қозонишимиз мураккаб бўлишини ҳисобга олгандим. Ақл билан ўйнашимиз керак эди. Учрашув қизиқ бўлди, кураш сўнгги дақиқагача давом этди. Ўзимиз учун керакли бўлган натижани қўлга киритдик.
Ўйинни яхши бошладик, олдинга ўтдик, бироқ бироз муаммоларга дуч келдик. Заҳирадан майдонга чиққан йигитлар биз учун керак бўлган қувватни бера олишди.
Ўйиндан олдин Инсиньега ўйин тақдирини ҳал қилишини айтгандим. Унинг гол уриш учун қанча вақт кетишини билмагандим. Лекин унга ростдан ҳам шунака дегандим», —Анчелоттининг сўзларидан иқтибос келтирмоқда Sky Sport Italia.
