Italiyaning «Inter» klubi bosh murabbiyi Antonio Konte 3-tur doirasida Germaniyaning «Borussiya» klubi ustidan qozonilgan g‘alaba haqida so‘zlab berdi. Italiyada bo‘lib o‘tgan ushbu uchrashuv 2:0 hisobida “Inter” foydasiga hal bo‘ldi.

«Borussiya» o‘yin taktikasini o‘zgartirdi, ular 5 ta himoyachi bilan o‘ynashni boshladi.Bu ularning bizdan qo‘rqayotganidan dalolat edi. Juda qiyin bo‘lgan uchrashuvga tayyorgarlik ko‘rgandik. Moslashishimiz oson kechdi. Tanaffusdan keyin «Borussiya» 4-2-3-1 sxemasiga qaytdi va biz o‘yinni nazorat qilish uchun moslasha boshladik.

Maydonning ma’lum joylarida raqibga pressing uyushtirishni rejalashtirgandik. Ular sxemasini o‘zgartirishganidan so‘ng, bu ishni amalga oshirishimiz biroz qiyin kechdi. Men yigitlarga asosiysi to‘pni maydon markazida yo‘qotmasligimizni, ular aynan maydon markazidan qarshi hujum boshlashlari haqida tushuntirdim.

 «Borussiy» klubiga qarshi o‘ynash qiyin, ular juda kuchli jamoa. Pley-offga osonlik bilan chiqib bo‘lmaydi, biroq, biz bu uchun kurashamiz», — dedi Konte Football Italia bilan suhbatda.