Italiyaning «Napoli» klubi rahbariyati «Los-Andjeles Gelaksi» klubi hujumchisi Zlatan Ibragimovich bilan muzokara olib bormoqda deya xabar tarqatdi Gazzetta dello Sport.

Manbaning yozishicha, neapolliklar qishda erkin agent maqomini oladigan 38 yoshli hujumchiga mavsum yakunigacha shartnoma taklif qilishmoqchi. Shundan so‘ng, tomonlar shartnomani yana bir yilga uzaytirishlari mumkin.

Zlatanning o‘zi 2021 yil yakunigacha 5 million yevrolik shartnoma imzolamoqchi. «Napoli» hozircha unga mavsum yakunigacha 1,5 million yevrolik shartnoma taklif qilib, agar tomonlar kelisha olsa, keyinchalik 3 million yevroga bir yillik shartnoma imzolamoqchi.

Biroz avvalroq «Milan», «Inter» va «Yuventus» klublarida to‘p surgan Ibragimovich italiyaga qaytishga tayyor ekanligini aytib o‘tgandi. “Napoli” klubi bosh murabbiyi Karlo Anchelotti o‘z jamoasi safida Ibragimovichni ko‘rish niyatida ekanligini oshkora aytgandi. Bosh murabbiyning bu taklifini esa «Napoli» klubi xo‘jayini Aurelio de Laurentis qo‘llab-quvvatlamoqda.