Fransiyaning «PSJ» klub hujumchisi Kilian Mbappening bozori chaqqonlashib ketdi. “Real” klubi Prezidentini mahliyo qilib qo‘ygan 20 yoshli hujumchiga endi Turinning «Yuventus» klubi xaridor bo‘lmoqda.
Navbatdan tashqari bo‘lib o‘tgan yig‘ilish chog‘ida klub xo‘jayini Andrea Anyelli va vise-prezident Pavel Nedvedlar “Yuventus” klubi nufuzini yanada oshirish maqsadadi 300 million mablag‘ ajratilganini ma’lum qilishdi.
Nedved “Yuventus” 2018 yili shov-shuvli transferga qo‘l urib, Ronalduni jamoaga olib kelgani kabi, yana bir katta transferni amalga oshirmoqchi.
Manbaning aytishicha, klubning transfer bozoridagi nishoni Mbappega qaratiladi.
Turinliklar bu futbolchi uchun 380 million yevro sarflashmoqchi. Bu summa ichiga Mbappening 5 yillik maoshi va transfer harajati kiritilgan.
