Франциянинг «ПСЖ» клуб ҳужумчиси Килиан Мбаппенинг бозори чаққонлашиб кетди. “Реал” клуби Президентини маҳлиё қилиб қўйган 20 ёшли ҳужумчига энди Туриннинг «Ювентус» клуби харидор бўлмоқда.
Навбатдан ташқари бўлиб ўтган йиғилиш чоғида клуб хўжайини Андреа Аньелли ва вице-президент Павел Недведлар “Ювентус” клуби нуфузини янада ошириш мақсадади 300 миллион маблағ ажратилганини маълум қилишди.
Недвед “Ювентус” 2018 йили шов-шувли трансферга қўл уриб, Роналдуни жамоага олиб келгани каби, яна бир катта трансферни амалга оширмоқчи.
Манбанинг айтишича, клубнинг трансфер бозоридаги нишони Мбаппега қаратилади.
Туринликлар бу футболчи учун 380 миллион евро сарфлашмоқчи. Бу сумма ичига Мбаппенинг 5 йиллик маоши ва трансфер ҳаражати киритилган.
