Germaniya terma jamoasi kelasi yili bo‘lib o‘tadigan Yevropa chempionatida yangi dizayndagi formada harakat qilishi mumkin.
Footy Headlines veb-sayti Bundestimnging ehtimoliy epikirovkasini e’lon qildi. Yangi formadagi asosiy yangilik shundan iboratki, oq rangli futbolkada gorizontal yo‘l-yo‘l qora chiziqlar tortilgan. Futbolkaning yeng qismida Germaniya bayrog‘i ranglari aks ettirilgan. Shortik qora, getra esa oq rangda bo‘ladi.
Ma’lumot o‘rnida. Yoaxim Lyov jamoasi hali Yevro-2020 yo‘llanmasini qo‘lga kiritmadi. Bundestim saralashning "S" guruhida 15 ochko to‘plagan holda Gollandiya bilan birgalikda dastlabki 2ta o‘rinni egallab turibdi.
