«Chelsi» yarim himoyachisi Kristian Pulishich APLning 10-turi doirasida bo‘lib o‘tgan «Byornli»ga qarshi o‘yinda (4:2) xet-trikka erishdi. O‘yindan keyin o‘z fikrlari bilan o‘rtoqlashdi.

«Professional faoliyatimdagi bu ilk xet-trik bo‘ldi. To‘pni o‘zimga olishni unutayozibman. Baxtimga jamoadoshlarim eslatishdi.

Men shunchaki maydonda bo‘lishni, jamoamga yordam berishni va natijaga ta’sir ko‘rsatishni istayman. Bunchalik oson bo‘lishni kutmagan edim. So‘nggi haftalarda bir necha marta zaxiradan maydonga tushdim. Bugun asosiy tarkibda o‘ynaganimdan xursand bo‘ldim. Bu muhim kun bo‘ldi.

Bu jamoada ko‘pgina yosh futbolchilar bor, lekin biz maydonga chiqqanda buni unutamiz. Bu jamoada o‘ynash yoqimli va biz g‘alabali seriyani davom ettirishni xohlaymiz», – dedi Pulishich.