Londonning «Arsenal» klubi bosh murabbiyi Unai Emeri yarim himoyachi Mesut O‘zil ketma-ket beshinchi marotaba uchrashuv qaydnomasidan joy olmayotganligi haqida gapirib o‘tdi.

«Jamoaning o‘z strategiyasi bor. Eng asosiysi — bu klub, jamoa va uning o‘yini. Biz bu haqda o‘zaro maslahatlashdik va qaror qabul qildik. Bilaman, muxlislar nimadir bilishni xohlashmoqda, biroq hozir bu haqda gapiradigan payt emas. O‘ylaymanki, hozir O‘zil haqida gaplashmaganimiz ma’qul.

Oldinda muhim o‘yinimiz turibdi. Oldimizda o‘yinlar ko‘p va albatta bu savolni hal qilamiz», — Emerining  so‘zlaridan iqtibos keltirmoqda Goal.com.