“Paxtakor” jamoasining ushbu mavsum rasmiy uchrashuvlarda raqiblar darvozasini hozirga qadar 105 marta ishg‘ol qilishga erishdi.
O‘zbekiston Kubogi finalida AGMK bilan bahsda Dragan Cheran "Sherlar"ning joriy yildagi 100-goli muallifiga aylangandi. "Surxon" bilan bellashuvdan keyin gollar soni 105taga yetib ulgurdi. Navbatdagi 4 o‘yinda bu boradagi ko‘rsatkich yanada ortishi tayin. Mavsumda 31 gol urgan Dragan Cheran jamoa peshqadami bo‘lib turibdi. Igor Sergeev esa 21 to‘p kiritishga muvaffaq bo‘lgan. Marat Bikmayev va Doston Hamdamov hisobida 12tadan gol mavjud. Ushbu to‘rt futbolchi jami 76 golga muallif bo‘lishgan. 105 gol 15 futbolchi tomonidan urilgan. "Qizilqum" darvozasi 13 bor ishg‘ol etilgan, "Buxoro"ga 12, AGMK darvozasiga 10tadan to‘p kiritilgan.
"Paxtakor" 1998 yil o‘zi qatnashgan rasmiy musobaqalarda raqiblar darvozasini 130 marta ishg‘ol qilib, klub rekordini o‘rnatgan.
Joriy mavsumda “Paxtakor” jamoasi to‘purarlari bilan tanishing.
31 - Dragan Cheran
21 - Igor Sergeev
12 - Marat Bikmayev, Doston Hamdamov
6 - Jaloliddin Masharipov
5 - Sardor Sobirxo‘jayev
4 - Yegor Krimes
3 - Shohruh Mahmudhojiyev, Marko Simich
2 - Vladimir Kozak, Hojiakbar Alijonov
1 - Javohir Sidiqov, Humoyunmirzo Iminov, Sherzod A’zamov, Odil Hamrobekov.
