Gollandiyaning «Ayaks» klubi bosh murabbiyi Erik ten Xag YECHL doirasida Londonning «Chelsi» klubiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.
— «Chelsi» YECHLni yutishi mumkin bo‘lgan klublardan biri sanaladi. O‘yin qiyin bo‘ladi, ammo bu turnirda oson o‘yinning o‘zi yo‘q. Oldimizda yangi chaqiruv turibdi va biz bu uchrashuvni sabrsizlik bilan kutyapmiz. Agar biz mukammal o‘yin namoyish etsak, u holda bizda imkoniyat bo‘ladi, - ten Xagning so‘zlaridan iqtibos keltirmoqda UEFA matbuot xizmati.