Голландиянинг «Аякс» клуби бош мураббийи Эрик тен Хаг ЕЧЛ доирасида Лондоннинг «Челси» клубига қарши бўлиб ўтадиган учрашув ҳақидаги фикрлари билан ўртоқлашди.
— «Челси» ЕЧЛни ютиши мумкин бўлган клублардан бири саналади. Ўйин қийин бўлади, аммо бу турнирда осон ўйиннинг ўзи йўқ. Олдимизда янги чақирув турибди ва биз бу учрашувни сабрсизлик билан кутяпмиз. Агар биз мукаммал ўйин намойиш этсак, у ҳолда бизда имконият бўлади, - тен Хагнинг сўзларидан иқтибос келтирмоқда УЕФА матбуот хизмати.