Bugun Saudiya Arabistonida yoshlar o‘rtasidagi Osiyo chempionatining "F" guruhi saralash bosqichi o‘yinlari boshlandi. Dastlab maydonga O‘zbekiston va Hindiston yoshlari maydonga chiqishdi.

Otabek G‘ulomxo‘jayev jamoasi uchrashuv faol o‘tkazdi. Ammo birinchi bo‘limda hisob ochilmadi. Ikkinchi taym boshida esa terma jamoamizning hujumi gol bilan yakunlandi. Jasur Jaloliddinovning pasidan so‘ng Ulug‘bek Xoshimov raqib darvozasini ishg‘ol qildi. Oradan 14 daqiqa o‘tib Muzaffar Olimjonov raqib darvozasiga termamizning ikkinchi golini kiritdi.

O‘zbekiston yoshlar terma jamoasi navbatdagi o‘yinni 8 noyabr kuni Afg‘onistonga qarshi o‘tkazadi. O‘yin Toshkent vaqti bilan 17:05da boshlanadi.

Ma’lumot o‘rnida. O‘zbekiston yoshlar o‘rtasidagi Osiyo chempionati mezboni sifatida qit’a birinchi yo‘llanmasini qo‘lga kiritib bo‘lgan. Jamoamiz o‘z guruhida yo‘llanma taqdim etuvchi o‘rinni egallasa, saralash guruhlarida 2-o‘rinni egallagan beshinchi jamoaga ham yo‘llanma taqdim etiladi.

U-19  Osiyo Chempionati-2020 saralashi
O‘zbekiston – Hindiston 2:0 (0:0)
Gollar: Ulug‘bek Hoshimov (51), Muzaffar Olimjonov (65)    
O‘zbekiston U-19: Abduvohid Ne’matov, Saidazamat Mirsaidov, Xurshidbek Ubaydullayev, Ibrohimhalil Yuldoshev, Odilbek Abdumajidov, Jasurbek Jaloliddinov, Diyor Ramazonov, Diyorbek Rahimqulov, Xojimat Erkinov, Muzaffar Olimjonov, Ulug‘bek Hoshimov
Zaxira: Asadullaxon Polvonov, Behzod Shamsiyev, Alibek Davronov, Eldorbek Begimov, Davron Anvarov, Otabek Jo‘raqo‘ziyev, Ruslan Roziyev, Ibrohim Ibragimov, Sunnatilloxon Hamidjonov, Islomjon Abdullaxonov, Muhammadqodir  Rahimberganov