Бугун Саудия Арабистонида ёшлар ўртасидаги Осиё чемпионатининг "F" гуруҳи саралаш босқичи ўйинлари бошланди. Дастлаб майдонга Ўзбекистон ва Ҳиндистон ёшлари майдонга чиқишди.

Отабек Ғуломхўжаев жамоаси учрашув фаол ўтказди. Аммо биринчи бўлимда ҳисоб очилмади. Иккинчи тайм бошида эса терма жамоамизнинг ҳужуми гол билан якунланди. Жасур Жалолиддиновнинг пасидан сўнг Улуғбек Хошимов рақиб дарвозасини ишғол қилди. Орадан 14 дақиқа ўтиб Музаффар Олимжонов рақиб дарвозасига термамизнинг иккинчи голини киритди.

Ўзбекистон ёшлар терма жамоаси навбатдаги ўйинни 8 ноябрь куни Афғонистонга қарши ўтказади. Ўйин Тошкент вақти билан 17:05да бошланади.

Маълумот ўрнида. Ўзбекистон ёшлар ўртасидаги Осиё чемпионати мезбони сифатида қитъа биринчи йўлланмасини қўлга киритиб бўлган. Жамоамиз ўз гуруҳида йўлланма тақдим этувчи ўринни эгалласа, саралаш гуруҳларида 2-ўринни эгаллаган бешинчи жамоага ҳам йўлланма тақдим этилади.

U-19  Осиё Чемпионати-2020 саралаши
Ўзбекистон – Ҳиндистон 2:0 (0:0)
Голлар: Улуғбек Ҳошимов (51), Музаффар Олимжонов (65)    
Ўзбекистон U-19: Абдувоҳид Неъматов, Саидазамат Мирсаидов, Хуршидбек Убайдуллаев, Иброҳимҳалил Юлдошев, Одилбек Абдумажидов, Жасурбек Жалолиддинов, Диёр Рамазонов, Диёрбек Раҳимқулов, Хожимат Эркинов, Музаффар Олимжонов, Улуғбек Ҳошимов
Захира: Асадуллахон Полвонов, Беҳзод Шамсиев, Алибек Давронов, Элдорбек Бегимов, Даврон Анваров, Отабек Жўрақўзиев, Руслан Розиев, Иброҳим Ибрагимов, Суннатиллохон Ҳамиджонов, Исломжон Абдуллахонов, Муҳаммадқодир  Раҳимберганов