Madridning "Real" klubi bosh murabbiyi Zinedin Zidan La Liganing 13-tur doirasida "Eybar" klubiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.

"Barcha uchrashuvlar qiyin, biroq “Eybar” bilan yanada qiyinroq bo‘ladi. Chunki, ularning maydoni boshqa maydonlardan farq qiladi, ularning maydoni sal kichikroq. Bilamiz, o‘yin qiyin bo‘ladi, lekin La Ligada oson o‘yinlar yo‘q. Biroq klubga qarshi bo‘ladigan uchrashuvga xotirjam chiqmaymiz. Biz raqibni yaxshi bilamiz va o‘yinni chiroyli o‘tkazishga harakat qilamiz. Tayyorgarlik olib borish uchun vaqtimiz kam edi, lekin tayyorgarlik olib bordik. Bu raqib va bu staidon boshqalardan farq qiladi: "Eybar" uyda boshqa uslubdi, safarda esa boshqa uslubda o‘ynaydi. Hozir ularga qarshi qanday o‘ynashimizni aytib bera olmayman, barchasini o‘yinda ko‘rasizlar. Biz o‘yinga tayyormiz va uchrashuvni munosib tarzda o‘tkazamiz deb o‘ylaymiz", - dedi Zidan "Real" klubi rasmiy saytiga bergan intervyusida.