Rossiya premyer-ligasining 16-turi doirasida «Rostov» o‘z maydonida «Tambov»ni qabul qilib, mag‘lubiyatga uchradi.

Bahsning 7-daqiqasida mezbonlar hisobngi ochishdi. Bayramyanning uzatmasidan keyin Byern Sigurdarson darvozani ishg‘ol qildi. Islandiyalik futbolchining o‘zi 37-daqiqada hisobda farqni oshirishi mumkin edi. Ammo u 5 metrdan darvozaga aniq zarba bera olmadi.

53-daqiqada esa "Rostov" himoyachisi Kozlov qo‘pol xatoga yo‘l qo‘yishi oqibatida mehmonlar hisobni tenglashtirishdi. Uchrashuvning 70-daqiqasida esa "Tambov" futbolchilari kam sonli hujumlardan yana birini golga aylantirishdi — 1:2.

Oradan 5 daqiqa o‘tib Shomurodov hisobni tenglashtirishi mumkin edi. Eldor raqib jarima maydonining o‘ng tomonida to‘pni qabul qilib, to‘sin ostiga kuchli zarba berdi. To‘p esa darvozabonning qo‘liga, so‘ngra darvoza ustuniga tegib, maydonni tark etdi. O‘yin tugashiga "Rostov" hisobni tenglashtiruvchi to‘pni raqib darvozasiga joyladi, ammo ofsayd tufayli gol bekor qilindi.

O‘zbekistonlik hujumchi Eldor Shomurodovni boshlang‘ich tarkibda o‘yinni boshlab, bahs so‘ngiga qadar maydonda harakat qildi.

Ushbu g‘alaba tufayli "Tambov" 17 ochko to‘plab 15-o‘rindan 12-pog‘onaga ko‘tarilib oldi. "Rostov" esa ushbu turdan keyin o‘zi egallab turgan 2-pog‘onani boy berishi mumkin.

Rossiya premyer-ligasi, 16-tur
Rostov – Tambov 1:2 (1:0, 0:2)
Gollar: 1:0 – 7 Sigurdarson, 1:1 – 52 Melkadze, 1:2 – 70 Obuxov.
Rostov – Baburin, Xajikadunich, Chernov, Sigurdsson, Kozlov, Zaynutdinov, Ionov, Glebov, Bayramyan, Sigurdarson (Dolgov, 77), Shomurodov.
Tambov – Sheliya, Oyevole (Takazov, 86), Osipenko, Grisayenko, Tetrashvili, Karasev (Chuperka, 81), Kilin, Melkadze (Xosonov, 78), Kostyukov, Ribin, Obuxov.
Ogohlantirishlar: Osipenko (33), Kostyukov (41), Sigurdarson (56), Xadjikadunich (60), Melkadze (64), Oyevole (82).