Россия премьер-лигасининг 16-тури доирасида «Ростов» ўз майдонида «Тамбов»ни қабул қилиб, мағлубиятга учради.

Баҳснинг 7-дақиқасида мезбонлар ҳисобнги очишди. Байрамяннинг узатмасидан кейин Бьерн Сигурдарсон дарвозани ишғол қилди. Исландиялик футболчининг ўзи 37-дақиқада ҳисобда фарқни ошириши мумкин эди. Аммо у 5 метрдан дарвозага аниқ зарба бера олмади.

53-дақиқада эса "Ростов" ҳимоячиси Козлов қўпол хатога йўл қўйиши оқибатида меҳмонлар ҳисобни тенглаштиришди. Учрашувнинг 70-дақиқасида эса "Тамбов" футболчилари кам сонли ҳужумлардан яна бирини голга айлантиришди — 1:2.

Орадан 5 дақиқа ўтиб Шомуродов ҳисобни тенглаштириши мумкин эди. Элдор рақиб жарима майдонининг ўнг томонида тўпни қабул қилиб, тўсин остига кучли зарба берди. Тўп эса дарвозабоннинг қўлига, сўнгра дарвоза устунига тегиб, майдонни тарк этди. Ўйин тугашига "Ростов" ҳисобни тенглаштирувчи тўпни рақиб дарвозасига жойлади, аммо офсайд туфайли гол бекор қилинди.

Ўзбекистонлик ҳужумчи Элдор Шомуродовни бошланғич таркибда ўйинни бошлаб, баҳс сўнгига қадар майдонда ҳаракат қилди.

Ушбу ғалаба туфайли "Тамбов" 17 очко тўплаб 15-ўриндан 12-поғонага кўтарилиб олди. "Ростов" эса ушбу турдан кейин ўзи эгаллаб турган 2-поғонани бой бериши мумкин.

Россия премьер-лигаси, 16-тур
Ростов – Тамбов 1:2 (1:0, 0:2)
Голлар: 1:0 – 7 Сигурдарсон, 1:1 – 52 Мелкадзе, 1:2 – 70 Обухов.
Ростов – Бабурин, Хажикадунич, Чернов, Сигурдссон, Козлов, Зайнутдинов, Ионов, Глебов, Байрамян, Сигурдарсон (Долгов, 77), Шомуродов.
Тамбов – Шелия, Ойеволе (Таказов, 86), Осипенко, Грицаенко, Тетрашвили, Карасев (Чуперка, 81), Килин, Мелкадзе (Хосонов, 78), Костюков, Рыбин, Обухов.
Огоҳлантиришлар: Осипенко (33), Костюков (41), Сигурдарсон (56), Хаджикадунич (60), Мелкадзе (64), Ойеволе (82).