Bugun Olmaliqda ayollar futboli bo‘yicha Oliy va Birinchi ligada ishtirok etuvchi futbol klublari o‘rtasida o‘tkaziladigan O‘zPFL Liga Kubogi musobaqasining ikkinchi bosqich o‘yinlari start oldi.
Dastlabki kunda mahalliy “AGMK-W 2” jamoasi Termizning “Surxon-W” klubiga qarshi bahs olib bordi va 1:2 hisobida imkoniyatni boy berdi.
Musobaqa taqvimiga ko‘ra, ertaga yana bir uchrashuv bo‘lib o‘tadi. Unda “Buxoro-W” “Surxon-W” jamoasiga qarshi maydonga tushadi.
Ayollar futboli bo‘yicha O‘zPFL Liga kubogi
11 noyabr, dushanba
AGMK-W 2 - SURXON-W 1:2
Olmaliq. OKMK SM. 53 tomoshabin
Hakamlar: Kristina Borisova, Aleksandra Konchikova, Darya Snetkova
Nazoratchi: Ro‘zim Davletmuratov
Komissar: Oybek Yunusov
Gollar: Aygerim Otenazarova, 7 (1:0), Nilufar Murodova, 10 (1:1), Muqaddas Abdurahmonova, 32 (1:2)
Ogohlantirishlar: Ruhsora Usmonova, 70, Rayxona Abdurahimova, 74 - Ma’rifat Raimova, 89.
