Rossiya terma jamoasi bosh murabbiyi Stanislav Cherchesov SSKA klubi sardori Igor Akinfeev bilan uni terma jamoaga qaytishi mumkinligi haqida suhbatlashmaganini aytib o‘tdi.
— Akinfeev? Men u bilan bu haqda umuman gaplashmadim, — dedi Cherchesov "SE"ga bergan intervyusida. — U bilan so‘nggi marotaba 22 avgust kuni Balashixada bir turnirning ochilish marosimida ko‘rishgandim. Shuningdek, 13 oktyabr kuni u sms orqali g‘alaba bilan tabrikladi. Shular bizning so‘nggi yarim yildagi barcha suhbatlarimiz. Igor — oxirgi jahon chempionatidan keyin terma jamoadagi faoliyatini yakunlagan Rossiya fuqarosi. Undan keyin u bilan ikki marta uchrashdim, o‘shanda u terma jamoaga qaytish ayrim sabablarga ko‘ra iloji yo‘qligini aytgandi.Sababini aytib o‘tirmayman. Biroq, nimadir o‘zgarsa, albatta bu haqda birinchilardan bo‘lib aytaman” dedi Rossiya terma jamoasi bosh murabbiyi.