Россия терма жамоаси бош мураббийи Станислав Черчесов ЦСКА клуби сардори Игорь Акинфеев билан уни терма жамоага қайтиши мумкинлиги ҳақида суҳбатлашмаганини айтиб ўтди.
— Акинфеев? Мен у билан бу ҳақда умуман гаплашмадим, — деди Черчесов "СЭ"га берган интервьюсида. — У билан сўнгги маротаба 22 август куни Балашихада бир турнирнинг очилиш маросимида кўришгандим. Шунингдек, 13 октябрь куни у смс орқали ғалаба билан табриклади. Шулар бизнинг сўнгги ярим йилдаги барча суҳбатларимиз. Игорь — охирги жаҳон чемпионатидан кейин терма жамоадаги фаолиятини якунлаган Россия фуқароси. Ундан кейин у билан икки марта учрашдим, ўшанда у терма жамоага қайтиш айрим сабабларга кўра иложи йўқлигини айтганди.Сабабини айтиб ўтирмайман. Бироқ, нимадир ўзгарса, албатта бу ҳақда биринчилардан бўлиб айтаман” деди Россия терма жамоаси бош мураббийи.