Yevro-2020 saralashi 9-turidan o‘rin olgan o‘yinlar davom etmoqda.
J guruhida Finlyandiya o‘z maydonida Lixtenshteynni yirik hisobda mag‘lub etdi va o‘z tarixida ilk bor Yevropa chempionati yo‘llanmasini qo‘lga kiritdi. Finlar ochkolari sonini 18taga yetkazib olishdi va saralash yakuniga bitta tur qolganda eng yaqin ta’qibchisi – Gresiyani 7 ochkoga ortda qoldirib, guruhda 2-o‘rin olish masalasini hal qilishdi. Guruhda 1-o‘rinni 100 foizlik natija bilan Italiya egallab turibdi.
Yevro-2020 saralashi, J guruhi
Finlyandiya – Lixtenshteyn 3:0
15 noyabr, «Sonera Stedium»
Gollar: Tuominen (21), Pukki (64, penalti, 75).
Finlyandiya: Gradeski, Arayuuri, Raytala, Toyvio, Kamara, Pirinen, Lod, Sparv (Kauko, 71), Soyri (Skrabb, 78), Pukki (Karyalaynen, 84), Tuominen.
Lixtenshteyn: Byuxel, Malin, Geppel, Rexshtayner, Xasler, Polverino (Gubser, 73), Brendle, Salanovich, Mayer (Zele, 90), Byuxel, Frik (Qardosho‘g‘li, 84).