Senegal terma jamoasi hujumchisi Sadio Mane nega Afrika millatlar kubogi finalida Marokash terma jamoasiga qarshi o‘yinda hakamning adolatsiz qarori ortidan maydonni tark etgan jamoadoshlarini qayta o‘yinga qaytishga ko‘ndirganini tushuntirdi.
Eslatib o‘tamiz, qo‘shimcha vaqtda hakam senegalliklar darvozasi tomon juda bahsli penalti belgilagan, shundan so‘ng jamoa bosh murabbiyi futbolchilarni maydondan olib chiqqan edi. Biroq Mane ularni qayta maydonga chiqib, o‘yinni davom ettirishga rozi qildi.
«Hakamlar ham xato qilishi mumkin, shuning uchun ularni ayblash to‘g‘ri emas. Eng muhimi, men buni dunyodagi barcha muxlislar uchun qildim — ular o‘yinni oxirigacha ko‘rishni istashgan», — deya Manening so‘zlarini keltiradi The Touchline.
Senegalliklar maydonga qaytgandan so‘ng Braim Dias 11 metrlik jarima zarbasidan foydalana olmadi. Qo‘shimcha bo‘limlarda Senegal g‘alaba golini urib, sovrinni qo‘lga kiritdi.
