Karlo Anchelotti dam olish kunlari Madridga qaytdi. Braziliya terma jamoasi bosh murabbiyi Ispaniya La Ligasidagi "Real" — "Levante" o‘yinini stadionda tomosha qildi. Dushanba kuni italiyalik mutaxassis ijtimoiy tarmoqlarda "Santyago Bernabeu"dan bir nechta suratlarni joylab, ularni quyidagi matn bilan izohladi.
"Real"ning g‘alabasini ko‘rish qanday quvonch! Va bu g‘alabani mening vise-prezidentim hamda milliy terma jamoalar direktori bilan birga nishonlash yanada yoqimli", — deb yozdi Karlo Anchelotti.
Yozda Karlo Anchelotti qo‘l ostida Braziliya terma jamoasi jahon chempionatida ishtirok etadi. Mundial guruh bosqichida braziliyaliklarning raqiblari Marokash, Gaiti va Shotlandiya terma jamoalari bo‘ladi.
