"Barselona"da "Manchester Yunayted"ga tegishli bo‘lgan hujumchi Markus Reshfordni saqlab qolish borasida jiddiy niyat bor. Vinger joriy mavsumni Kataloniyada ijara asosida o‘tkazmoqda.
Krrish xabariga ko‘ra, "ko‘k-anorranglilar" Reshford transferi uchun "qizil iblislar"ga 22 million yevro miqdorida taklif yo‘llagan. Kelishuv 18 million yevro kafolatlangan to‘lovni (uch yil davomida to‘lanadi) hamda natijalarga bog‘liq 4 million yevro bonuslarni o‘z ichiga oladi.
Ma’lum qilinishicha, «Manchester Yunayted» bunday taklifdan qoniqmagan va ijara shartnomasida avvaldan ko‘rsatilgan 30 million yevro evaziga to‘liq sotib olishni talab qilmoqda. Hozircha klublar o‘rtasida kelishuvga erishilmagan, ammo muzokaralar yaqin haftalarda davom ettiriladi.
«Barselona» safida 28 yoshli Reshford 29 ta o‘yinda maydonga tushib, 8 ta gol urdi va 11 ta golli uzatmani amalga oshirdi.
