Moskvaning «Spartak» klubi sobiq prezidenti Andrey Chervichenko Rossiya terma jamoasining Belgiya terma jamoasidan uchralgan yirik hisobdagi mag‘lubiyatini keskin tanqid ostiga oldi.
— Rossiyada bo‘lib o‘tgan 2018 yilgi Jahon chempionatdan keyin eyforiyani tushunaman, biroq realist bo‘lish kerak: klublarimiz Yevrokuboklarda ishtirok etishadi, ammo hech narsani qoyillata olishmaydi, terma jamoa esa FIFA reytingida 100-pog‘onadan pastga turgan jamoalarni mag‘lub etadi, kuchliroq raqibga duch kelib qolsa bir yoki ikki to‘p bilan arang mag‘lub etadi. Rossiya terma jamoasida yulduz futbolchilar yo‘q, Yevropada faqat Golovin pichoqqa ilinadigan futbolchi, lekin u bugun o‘ynamadi. Shu sababli, endi osmondan yerga tushib, ishlash, ishlash va yana ishlash kerak. Bizning futbolchilarning saviyasi o‘rtacha, lekin yulduz futbolchi yo‘q. Hech kimni hafa qilmoqchi emasman, biroq, Petrov va Semenovlar Belgiya terma jamoasining hujumkor futbolchilari bilan raqobatlasha oladigan darajada emas, — Chervichenkoning so‘zlaridan iqtibos keltirmoqda Rusfootball.info