Kataloniyaning «Barselona» futbol klubi akademiyasi direktori Patrik Klyuyvert Mateys de Ligt «Yuventus» klubiga o‘tganidan afsusda ekanligini ta’kidlab o‘tdi. “Barselona” klubi 20 yoshli himoyachi bilan yozda shartnoma imzolashga harakat qilgandi.
— Men shaxsan uni “Barselona”ga olib kelish uchun ko‘ndirishga harakat qilmaganman. Men unga faqat klubning va shaharning ijobiy tomonlarini aytib berganman xolos. Biz o‘z tanlovini amalga oshirgan mahoratli himoyachi haqida gapiryapmiz. O‘ylaymanki, u hozir “Yuventus”ga o‘tganidan ozgina afsusda. Inson hayotda yaxshi va yomon tanlovni qiladi, — dedi Klyuyvert.
