Angliyaning «Lester» klubi yarim himoyachi Jeyms Meddison bilan «Manchester Yunayted» klubidan bo‘layotgan taklif sabab shartnomani uzaytirmoqchi deya xabar tarqatmoqda Manchester Evening News.
23 yoshli yarim himoyachining “Lester” klubi bilan tuzilgan shartnomasi 2023 yilgacha amal qiladi. «Tulkilar» rahbariyati Meddison bilan xayrlashish niyatida emas, shu bois unga shartlari yaxshilangan shartnoma taklif qilishga tayyor.
Biroq, futbolchining o‘zi shartnomani uzaytirish borasida shoshilayotgani yo‘q. Meddison kelasi yilning yozgi transfer bozorini kutmoqda va o‘shanda o‘zining kelajagiga oydinlik kiritib olmoqchi.
Avvalroq «Manchester Yunayted» bosh murabbiyi Ole-Gunnar Sulsher Meddison transfer bozoridagi asosiy maqsadi ekanligini aytib o‘tgandi.
