Англиянинг «Лестер» клуби ярим ҳимоячи Жеймс Мэддисон билан «Манчестер Юнайтед» клубидан бўлаётган таклиф сабаб шартномани узайтирмоқчи дея хабар тарқатмоқда Manchester Evening News.
23 ёшли ярим ҳимоячининг “Лестер” клуби билан тузилган шартномаси 2023 йилгача амал қилади. «Тулкилар» раҳбарияти Мэддисон билан хайрлашиш ниятида эмас, шу боис унга шартлари яхшиланган шартнома таклиф қилишга тайёр.
Бироқ, футболчининг ўзи шартномани узайтириш борасида шошилаётгани йўқ. Мэддисон келаси йилнинг ёзги трансфер бозорини кутмоқда ва ўшанда ўзининг келажагига ойдинлик киритиб олмоқчи.
Аввалроқ «Манчестер Юнайтед» бош мураббийи Оле-Гуннар Сульшер Мэддисон трансфер бозоридаги асосий мақсади эканлигини айтиб ўтганди.
