Angliyaning “Chelsi” klubi sobiq himoyachisi Jon Terri sobiq jamoadoshlari muhammad Saloh va Kevin de Bryuyne haqidagi fikrlari bilan o‘rtoqlashdi.
“Man Siti” yarim himoyachisi Kevin De Bryuyne va “Liverpul” hujumchisi Muhammad Salohlar yoshliklarida “Chelsi” jamoasida to‘p surishgan, lekin Joze Mourinyo ularni keraksiz deb hisoblagan va boshqa klublarga qo‘yib yuborgan.
"Saloh va De Bryuyne singari futbolchilar Mourinyoning talablariga javob bera olmagan deb boshqa jamoalarga qo‘yib yuborilgan. Ular juda iqtidorli edi, qolaversa juda yosh edi. Mourinyoda esa yosh futbolchilarni yuksalishini kutish uchun vaqti yo‘q edi. Ularni maydonga tushirish uchun Daff va Robbenlarni zahiraga olishga to‘g‘ri kelardi. Lekin biz o‘sha davrda har hafta yutardik. Agar sen jamoaga kelib, Daff va Robbenlardan 10-20 foiz past o‘ynasang, u holda sen tarkibga tusha olmasding. Tarkibga kirish uchun hech qanday imkoniyating bo‘lmaydi", — Terrining so‘zlaridan iqtibos keltirmoqda Goal portali.
"Saloh va Kevinlar “Chelsi”dan ketib, boshqa jamoalarda nimalarga qodir ekanliklarini isbotlashgani uchun xursandman. Lekin o‘sha paytda o‘sha paytdagi “Chelsi” uchun yetarlicha tajribali emas edi".