Англиянинг “Челси” клуби собиқ ҳимоячиси Жон Терри собиқ жамоадошлари муҳаммад Салоҳ ва Кевин де Брюйне ҳақидаги фикрлари билан ўртоқлашди.
“Ман Сити” ярим ҳимоячиси Кевин Де Брюйне ва “Ливерпуль” ҳужумчиси Муҳаммад Салоҳлар ёшликларида “Челси” жамоасида тўп суришган, лекин Жозе Моуриньо уларни кераксиз деб ҳисоблаган ва бошқа клубларга қўйиб юборган.
"Салоҳ ва Де Брюйне сингари футболчилар Моуриньонинг талабларига жавоб бера олмаган деб бошқа жамоаларга қўйиб юборилган. Улар жуда иқтидорли эди, қолаверса жуда ёш эди. Моуриньода эса ёш футболчиларни юксалишини кутиш учун вақти йўқ эди. Уларни майдонга тушириш учун Дафф ва Роббенларни заҳирага олишга тўғри келарди. Лекин биз ўша даврда ҳар ҳафта ютардик. Агар сен жамоага келиб, Дафф ва Роббенлардан 10-20 фоиз паст ўйнасанг, у ҳолда сен таркибга туша олмасдинг. Таркибга кириш учун ҳеч қандай имкониятинг бўлмайди", — Террининг сўзларидан иқтибос келтирмоқда Goal портали.
"Салоҳ ва Кевинлар “Челси”дан кетиб, бошқа жамоаларда нималарга қодир эканликларини исботлашгани учун хурсандман. Лекин ўша пайтда ўша пайтдаги “Челси” учун етарлича тажрибали эмас эди".
