Superliganing 24-turi doirasida bo‘lib o‘tgan “Qizilqum” – “Buxoro” o‘yinidan keyin mehmonlar bosh murabbiyi Muhsin Muhammadiyev o‘z fikrlarini bilan o‘rtoqlashdi.

"Jangovor o‘yin bo‘lib o‘tdi va u menda yaxshi taassurot qoldirdi. Havo sovuq bo‘lishiga qaramasdan, yigitlar yaxshi harakat qilishdi va durang natijaga loyiq o‘yin ko‘rsatishdi. Safardan ochko bilan qaytish har doim yoqimli, vazifa "minimum" bajarilgani uchun yigitlarga rahmat. To‘g‘ri, xatolar ham ko‘zga ko‘rindi, lekin bu futbol, unda xatolarsiz o‘ynashning iloji yo‘q, murabbiylar hamma vaqt ham o‘yindan 100 foiz qoniqmaydi, durang adolatli bo‘ldi, deb o‘ylayman.

Endi keyingi ikki uchrashuvni o‘z maydonimizda o‘tkazamiz va mavsumni yuqori notada yakunlashga harakat qilamiz!", — dedi Muhammadiyev.