"Barselona" sardori Lionel Messi chorshanba kuni yubiley uchrashuvini o‘tkazishi mumkin.
27 noyabr kuni "Barselona" YECHL guruh bosqichi doirasida "Borussiya"ga qarshi kurash olib boradi. Agar Messi bu o‘yinda maydonga tushsa, bu uning "ko‘k-anorranglilar" safidagi 700-o‘yini bo‘ladi.
Bu "Barselona" tarixidagi ikkinchi natija bo‘lib tarixga kiradi. Kataloniya klubi sharafini eng ko‘p himoya qilgan futbolchi Xavi bo‘lib, uning hisobida 767 ta o‘yin bor.
Messi 699 ta o‘yinda 612 ta gol urgan va 248 ta golli uzatmani amalga oshirgan.
