"Барселона" сардори Лионель Месси чоршанба куни юбилей учрашувини ўтказиши мумкин.
27 ноябрь куни "Барселона" ЕЧЛ гуруҳ босқичи доирасида "Боруссия"га қарши кураш олиб боради. Агар Месси бу ўйинда майдонга тушса, бу унинг "кўк-анорранглилар" сафидаги 700-ўйини бўлади.
Бу "Барселона" тарихидаги иккинчи натижа бўлиб тарихга киради. Каталония клуби шарафини энг кўп ҳимоя қилган футболчи Хави бўлиб, унинг ҳисобида 767 та ўйин бор.
Месси 699 та ўйинда 612 та гол урган ва 248 та голли узатмани амалга оширган.
