Namanganning “Navbahor” jamoasi joriy mavsumning so‘nggi turini safarda “Qo‘qon-1912” klubiga qarshi o‘tkazadi.

Mazkur jamoalar Superliga (oliy liga) o‘yinlarida shu kungacha jami 27 marta uchrashishgan . Ustunlik namanganliklar tomonida – 16ta g‘alaba. Qo‘qonliklar 6ta o‘yinda zafar quchishgan bo‘lsa, 5ta uchrashuvda jamoalar durangga imzo chekishgan.  

To‘plar nisbatidagi ustunlik “lochinlar” tomonida: 54-29.

Namanganliklar o‘zaro o‘yinlarda 53, qo‘qonliklar esa esa 23 ochkoni qo‘lga kiritishgan.

Ushbu klublar o‘rtasidagi bahslarda eng yirik hisob 2 marta qayd etilgan. “Navbahor” 2003 va 2016 yillar mavsumining Namanganda o‘tkazilgan bahslarida “Qo‘qon - 1912”ni 5:1 hisobida mag‘lubiyatga uchratgan.

Mazkur jamoalarning shu kungacha Qo‘qonda bo‘lib o‘tgan 13ta bahsidan 6 tasida mezbonlar g‘alaba qozonishgan bo‘lsa, 4ta o‘yinda namanganliklar zafar quchishgan, 3ta uchrashuvda esa durang natija qayd etilgan. To‘plar nisbatida ham tenglik – 15:15.

“Qo‘qon - 1912” – “Navbahor” o‘yini 30 noyabr kuni Qo‘qondagi “Markaziy” o‘yingohda soat 15:00da start oladi.

“Navbahor” PFK matbuot xizmati.