O‘zbekiston Superligasi 26-turidan o‘rin olgan “Bunyodkor” hamda “So‘g‘diyona” jamoalari o‘rtasidagi o‘yin yakunlandi. O‘yindan keyingi matbuot anjumaning ikkinchi qismida mezbonlar ustozi Vadim Abramov ishtirok etib savollarga javob berib o‘tdi.
“O‘yin menga yoqmadi. Ular gol urishdi va o‘yinga tez qaytishdi. Futbolchilarni tabriklayman. Mavsum avvalida hech kim bizni OCHL yo‘llanmasi uchun kurashadi deb o‘ylamagan edi. Muxlislarini ham bronza medallari bilan tabriklayman.
Mavsum avvalida bizda bir qator qiyinchiliklar bo‘ldi. Ishlashda davom etdik va bu natijaga erishdik. Futbolchilar va rahbariyatga katta rahmat aytaman.
Rahbariyat bilan ko‘rishib keyingi mavsum rejalari haqida gaplashib olamiz. Selksiya ishlarini oboramiz. Bizni chempionatimizda to‘p surishni xohlayotgan futbolchilar ko‘p. Ularni ko‘rib chiqib keyin taklif qilamiz. Ikkinchi bo‘limni tomosha qilish zerikarli bo‘ldi.Biz ikkinchi o‘rin uchun ham kurashishimiz mumkin edi. Bugungi o‘yin ko‘rsatib berdiki, futbolchilar bunday katta o‘yinlarga tayyor emas. Biroq ularga katta rahmat aytaman.
