Kataloniyaning "Barselona" klubi bosh murabbiyi Ernesto Valverde safarda "Inter" ustidan qo‘lga kiritilgan g‘alaba haqida fikr bildirdi.
"Ajoyib ehtiroslarni boshdan o‘tkazyapmiz, chunki, haqiqatdan ham kuchli raqibni mag‘lub etdik.Biz g‘alaba uchun maydonga tushgandik, biz bosh sovrinni qo‘lga kiritish uchun raqobatdosh jamoa ekanligimizni amalda isbotladik.
Karles Peresda gol kiritish uchun sezish qobiliyati yuqori, Fati ham to‘purar. Garchi, u biroz og‘riqni his qilayotgan bo‘lsada, biz unga o‘ynash imkoniyatini berdik. Ushbu turnirda "Barsa"ning eng yosh futbolchisi to‘p kiritayotganidan xursandman.
Ushbu turnirda g‘olib chiqishga majbur ekanligimizni his qilyapmiz. Biz har bir uchrashuvda g‘alaba qozonish uchun maydonga chiqamiz, aynan shu maqsadni bugun Italiyada amalga oshirdik", - dedi murabbiy.