Каталониянинг "Барселона" клуби бош мураббийи Эрнесто Вальверде сафарда "Интер" устидан қўлга киритилган ғалаба ҳақида фикр билдирди.
"Ажойиб эҳтиросларни бошдан ўтказяпмиз, чунки, ҳақиқатдан ҳам кучли рақибни мағлуб этдик.Биз ғалаба учун майдонга тушгандик, биз бош совринни қўлга киритиш учун рақобатдош жамоа эканлигимизни амалда исботладик.
Карлес Пересда гол киритиш учун сезиш қобилияти юқори, Фати ҳам тўпурар. Гарчи, у бироз оғриқни ҳис қилаётган бўлсада, биз унга ўйнаш имкониятини бердик. Ушбу турнирда "Барса"нинг энг ёш футболчиси тўп киритаётганидан хурсандман.
Ушбу турнирда ғолиб чиқишга мажбур эканлигимизни ҳис қиляпмиз. Биз ҳар бир учрашувда ғалаба қозониш учун майдонга чиқамиз, айнан шу мақсадни бугун Италияда амалга оширдик", - деди мураббий.