Habib sen Rossiyada ilk bor o‘z sport kompleksingni ochding. Shu haqida batafsil ma’lumot berib o‘tsang?!
Bu yerda aralash qoidalar bo‘yicha jang, kurash, grepling, jangovor SAMBO va shunga o‘xshash boshqa yakka kurash sport turlaridan saboq olish imkoni mavjud. To‘garaklarda bir vaqtning o‘zida 200 tadan oshiqroq sportchi shug‘ullanishi mumkin. Atayin katta maydonni o‘z ichiga olgan joyni tanlaganmiz.
Bu zalni sen Amerikada shug‘ullanayotgan “AKA” zalli bilan solishtirsak, qay biri qulayroq?
Albatta, “AKA” biroz yahshiroq imkoniyatlarga ega. Bundan tashqari, shahar markazida joylashgan. Menimcha, ularni solishtirish to‘g‘ri emas. Men o‘zim uchun qanday qulayliklar lozim bo‘lsa, barchasini yaratishga harakat qildim. Soddaroq qilib aytganda, o‘zim uchun nimani ravo ko‘rsam, shu yerda ham shunday sharoitlarni yaratishga harakat qildik.
Toni jang borasida shartnoma imzolagani haqida mish-mishlar paydo bo‘ldi. Nima uchun barchasi rasman e’lon qilinmayapti?
Rasmiy xabarlarni kutishning nima keragi bor? Bu eng kutilayotgan jang edi. Men ham u ham jang borasida shartnomaga qo‘l qo‘yib bo‘lganmiz. Odamlar ham bu jangni kutib charchab ketishgan bo‘lsa, ajab emas. Ikkimiz o‘rtasidagi jang 2 bor bekor qilingani uchun, ba’zilar bu jang bo‘lishiga ishonmay ham qo‘ygani aniq. UFCtez orada bu haqida rasman e’lon qilishi kerak. Ayni damda, ular jangdan oldingi matbuot anjumanlarini uyushtirish haqida bosh qotirishmoqda. Men esa, mashg‘ulotlarni boshlab yubordim va janggi tayyorgalik ko‘ryapman. Kelasi yili matbuot orqali jang katta ko‘lamda reklama qilinishi kutilmoqda.
Bundan avvalgi janglardan farqli o‘laroq, bu jang uchun qattiqroq mashg‘ulot o‘tkazyapsizmi?
Mashg‘ulotlarga zo‘r beryapmiz. Har bir jangimdan so‘ng, men tajribaliroq bo‘lib boryapman. Buni rad etib bo‘lmaydi. Shuningdek hozir 31 yoshman va bu mening jismoniy imkoniyatlarimning cho‘qqisi degani. Albatta, qolgan janglardan farqli o‘laroq, kuchliroq tayyorgarlik ko‘rishga harakat qilaman. Raqib ancha jiddiy.Ochig‘ini aytsam, bundan avvalgi raqiblarimga qarshi jang oldidan menga mana shunday motivatsiya yetishmagan edi. Pore, Barboza, Konorga qarshi bahslarda sovuqqonlik bilan g‘alaba qozongan edim. Endilikda ichimda olov yonmoqda.
Muxlislar avvalgi jangler singari bunisi ham barbod bo‘lishidan qo‘rqishmoqda. Jarohatlardan ehtiyot bo‘lish uchun chorlar qo‘llayapsanmi?
Ayni damda, dadam barcha boshqa sport o‘yinlarini ma’n etganlar. Hozir bor e’tiborimni to‘liq janggi tayyorgarlikka qaratganmiz. Xatto, basketbol ham o‘ynashga ruhsat berishmayapti.
Sen Toniga qarshi jang uchun 4 bor tayyorgarlik ko‘rding. Endilikda, yana o‘sha uslubdan foydalanasami, yoki barchasi o‘zgardimi?
Hech narsa o‘zgarmaydi. Shunchaki, yondashuv o‘zgarishi mumkin. Inson imkoniyatlarining chegarasi yo‘q. U rivojlanishdan to‘xtamasligi mumkin. Men 28 ta jangda g‘olib chiqdim va o‘z kamarimni ikki bor himoya qildim. Shunga qaramay, muxlisalr mendan 3 keyin esa, 4 himoya jangini kutishadi. Unga qadar yengil vaznda boshqa bir kuchli jangchi paydo bo‘ladi va menga uni ro‘baro qilishadi va shunday davom ettaveradi. Barchani hayratda qoldirishning iloji yo‘q deb hisoblayman
